抓緊暑假的尾巴 開學前的準備 （純個人分享）
仲有剛剛一個星期就到九月一號，又到大部分學生開學的日子，唔知各位家長準備好未呢？
有咩要準備呢？新校服黑鞋白鞋？上課新書？新文具新書包？剪頭髮？影學生相？要開始早啲瞓？定係仲未做晒暑期作業🙈？
個人認為，重整家長心態最重要。
剛過去呢兩個月暑假，自覺係過去一年同小朋友關係最親暱的一段時間。
過去一年，經歷Zoom上課、同小朋友在家困獸鬥、重新面授課後又要面對追進度，然後是不停的默書温習測驗考試，說真的家長小朋友都累，親子關係會因為每天的功課而慢慢蠶食。
然而疫情關係很多活動都局限了，暑假來到，希望為他們安排一個開心的夏天，所以為每位小朋友安排了多種短期課程：攀石、跳舞、游泳、畫畫、砌Lego、半日活動班。。。放假就儘量陪伴傾計，小朋友每天都是玩玩玩，由早上笑到晚上。
新一學年，要提醒自己，每位小朋友都有自己的進度，千祈唔好比較。學校的成績落後了可以慢慢追，親子關係破裂了，就未必有機會可以再彌補。
各位家長各勉之。
#有耐力後來居上才算天賦
#第一次聽到呢首歌即喊
Search